အမျိုးသမီးတယောက်လို ချောမောလှပ ဆွဲဆောင်မှုရှိတဲ့ အောင်မြင်ကျော်ကြား အမျိုးသားများ

(1)   Andrej Pejic

ဆားဗီယားနဲ့ သြစတြေးလျ သွေးစပ်တဲ့ ကိုယ်ဟန်ပြမောင် အန်ဒရေ ပဲဂျိစ်ဟာ အမျိုးသား၊ အမျိုးသမီး ပုံစံနှစ်မျိုးလုံးနဲ့ ကိုယ်ဟန်ပြနိုင်စွမ်းတဲ့ သူတယောက်အနေနဲ့ လူသိများ အောင်မြင်ကြော်ကြားနေတဲ့ သူတစ်ယောက်ဖြစ်ပါတယ်။ လွန်ခဲ့တဲ့ ၂၀၁၁ ဇန်န၀ါရီလက ပဲရစ်မှာကျင်းပတဲ့ ဖက်ရှင်ရှိုးပွဲတခုမှာ ဒီဇိုင်နာ ဂျင်းပေါ်ဂေါ်ရှီယာအတွက် အမျိုးသမီးဖက်ရှင်ဝတ်စုံတွေကို ၀တ်ဆင်ပြသပေးခဲ့သလို၊ မာ့က် ဂျက်ကော့ အတွက်တော့ အမျိုးသားဝတ်စုံတွေကို ၀တ်ဆင်ပြသပေးခဲ့တာ ဖြစ်ပါတယ်။ အွန်လိုင်းဝက်ဘ်ဆိုက် တခုဖြစ်တဲ့ models.com ရဲ့ လှပခန့်ညာဆုံး ထိပ်တန်း အမျိုးသားမော်ဒယ် (၅၀) ယောက်စာရင်းမှာ သူက နံပါတ် (၁၈) ချိန်ထားခဲ့တဲ့သူလည်း ဖြစ်ပါတယ်။ အဲဒီအပြင် နာမည်ကျော် မဂ္ဂဇင်း FHM ရဲ့ ကမ္ဘာပေါ်က လိင်ဆွဲဆောင်မှု အရှိဆုံး အမျိုးသမီး အယောက် (၁၀၀) စာရင်းမှာ ပဲဂျိစ်က နံပါတ် (၉၈) အဆင့် ချိတ်ခဲ့ပြန်ပါသေးတယ်။

(2)   Lea T.

သူမကတော့ အခြား ကမ္ဘာကျော် ထိပ်တန်းအမျိုးသမီး ကိုယ်ဟန်ပြမယ်တွေနဲ့တန်းတူ အခကြေးငွေရနေတဲ့ တဦးတည်းသော အမျိုးသားကနေပြီး အမျိုးသမီးဘ၀ကို ပြောင်းလဲနေထိုင်တဲ့ ကိုယ်ဟန်ပြမယ်လေးပါ။ ဘရာဇီးလ်နိုင်ငံသားဖြစ်တဲ့ လီယာတီကို 1981 ခုနှစ်က လီယန်ဒရို စီရက်ဇို ဆိုတဲ့နာမည်နဲ့ ယောက်ျားလေးတယောက်အဖြစ် မွေးဖွားလာတဲ့သူ ဖြစ်ပါတယ်။ ဒါပေမယ့် နောက်ပိုင်းမှာတော့ ဆန့်ကျင်ဖက်လိင်လို ပြောင်းလဲနေထိုင်တဲ့ ကိုယ်ဟန်ပြမယ်တယောက်အနေနဲ့ ဖက်ရှင်လောကမှာ တဟုန်ထိုး အောင်မြင်ကျော်ကြားလာခဲ့တာ ဖြစ်ပါတယ်။ ထိပ်တန်း နာမည်ကျော် ဖက်ရှင်ဒီဇိုင်နာ ဂီဗင်ချီရဲ့ အနှစ်သက်ဆုံး ဆူပါမော်ဒယ်လ်တွေထဲမှာ လီယာတီ တယောက်လည်း အပါအ၀င် ဖြစ်တယ်လို့လည်း သိရပါတယ်။

(3)   Claudia Charriez

ဒီတယောက်ကိုတော့ ကြည့်လိုက်စမ်းပါဦး မွေးလာတုန်းက ယောက်ျားလေးပါလို့ ကျိန်ပြောရင်တောင် ဘယ်သူမှယုံမှာ မဟုတ်ဘူးနော်။ အတော်ဆွဲဆောင်မှုရှိပြီး သိပ်လှတဲ့ ကိုယ်လုံးကိုယ်ပေါက်ကို ပိုင်ဆိုင်ထားသူလေးပါ။ ဒီလိုလှပတဲ့ ရှာရီးဇ်ကို ဆန့်ကျင်ဖက်လိင်လိုပြောင်းလဲနေထိုင်တဲ့ သူဖြစ်တဲ့အတွက် အမေရိကန်နိုင်ငံရဲ့ အဆင့်မြင့် မော်ဒယ်ပြိုင်ပွဲတခုဖြစ်တဲ့ (America’s Next Top Model နဲ့ Janice Dckinson မော်ဒယ်အယ်ဂျင်စီရဲ့ တီဗွီအစီအစဉ်) ကနေ ၂၀၀၈ ခုနှစ်က ထုတ်ပယ်ခံခဲ့ရတာ ဖြစ်ပါတယ်။ ဒါပေမယ့် အဲဒီနှစ်နှောင်းပိုင်းမှာပဲ America’s Next Top Transsexual Model Contest လို့ခေါ်တဲ့ ဆန့်ကျင်ဖက်လိင်လို ၀တ်စားနေထိုင်သူတွေရဲ့ သီးသန့်ပြိုင်ပွဲမှာ ပြန်လည် ၀င်ရောက်ယှဉ်ပြိုင်ခဲ့တာ ဖြစ်ပါတယ်။ ခုလောလောဆယ်မှာတော ကမ္ဘာ့ထိပ်တန်းမော်ဒယ် စာရင်းဝင်တယောက် ဖြစ်လို့နေပါပြီ။

(4)   Isis King

အိုင်းစစ်ကင်းကို ဒယ်ရာယ် ဝေါလ်ဆိုတဲ့ ယောက်ျားလေးနာမည်နဲ့ ၁၉၈၅ ခုနှစ်က မွေးဖွားခဲ့တာဖြစ်ပါတယ်။ ကင်းက အမေရိကန်နိုင်ငံရဲ့ မော်ဒယ်ပြိုင်ပွဲ (America’s Next Top Model) ရုပ်သံအစီအစဉ်မှာ ရာသီနှစ်ခုလုံးထိတိုင်အောင် ၀င်ရောက်ယှဉ်ပြိုင်နိုင်ခဲ့တဲ့ တဦးတည်းသော ဆန့်ကျင်ဖက်လိင်လို ၀တ်စားနေထိုင်တဲ့ မော်ဒယ်တဦးဖြစ်ခဲ့ပါတယ်။ လောလောဆယ်မှာတော့ သူလည်း ထိပ်တန်းမော်ဒယ် စာရင်းဝင်တယောက်ဖြစ်လို့နေပါပြီ။

(5)   Florencia De La V

အာဂျင်တီးနားသူလေး ဖလော်ရင်ရှား ဒီလာဗွီ ကို လွန်ခဲ့တဲ့ ၁၉၇၆ ခုနှစ်က ရောဘတ်တို ကားလို့စ် ထရီနီဒတ် လို့ခေါ်တဲ့ ယောက်ျားလေးတယောက်အနေနဲ့ မွေးဖွားခဲ့တာဖြစ်ပါတယ်။ သူမဟာ ကမ္ဘာပေါ်မှာ အအောင်မြင်ဆုံးဖြစ်တဲ့ တဦးတည်းသော ဆန့်ကျင်ဖက်လိင်လိုပြောင်းလဲထားတဲ့ ရုပ်ရှင်မင်းသမီးတယောက်လို့ ပြောရင်လည်း ရနိုင်ပါတယ်။ ဒီလာဗွီဟာ ရုပ်သံဇာတ်လမ်း၊ မဂ္ဂဇင်းစာစောင်နဲ့ နိုက်ကလပ်တွေ အတော်များများမှာ တင်ဆက်ဖော်ပြခံခဲ့ရသလို မဂ္ဂဇင်းအယ်ဒီအဖြစ်နဲ့လည်း လုပ်ကိုင်ခဲ့ဖူးတဲ့သူဖြစ်ပါတယ်။ လောလောဆယ်မှာတော့ အိမ်ထောင်ကျနေပြီဖြစ်တဲ့ ကလေးအမွာပူးနှစ်ယောက်ရဲ့ မိခင်တယောက် ဖြစ်လို့နေပါပြီ။ အဲဒီကလေးအမွာပူးလေးကိုတော့ အငှားကိုယ်ဝန်နဲ့ ရယူခဲ့ကြတာဖြစ်တယ်လို့လည်း သိရပါတယ်။

(6)   Sirapassorn Atthayakorn

ဒီတယောက်ကလည်း မွေးတုန်းကယောက်ျားလေးပါလို့ပြောရင် ဘယ်လိုမှကို မထင်ရက်လောက်အောင်ကို ချောမောလှပသူလေးပါ။ နာမည်အတိုကောက် အာကာ ဆမ်မီလို့ခေါ်တဲ့  ၂၀၁၁ ခုနှစ်ရဲ့ နိုင်ငံတကာအလှမယ်သရဖူဘွဲ့ (Miss International Queen) ကိုဆောင်းခဲ့တဲ့ ထိုင်းနိုင်ငံက ဆီရာပါစ်ဆွန် အပ်ထရာကွန်ပဲဖြစ်ပါတယ်။ အဲဒီ အလှမယ်ပြိုင်ပွဲကို ထိုင်းနိုင်ငံ ပတ္တယားမြို့မှာ နှစ်စဉ်ကျင်းပတာဖြစ်ပြီး နိုင်ငံတကာက လိင်ပြောင်းလဲ ခွဲစိတ်ထားပြီးတဲ့သူတွေနဲ့ ဆန့်ကျင်ဖက်လိင်လို ပြောင်းလဲဝတ်စားနေထိုင်တဲ့ အလှမယ်လေးတွေအတွက် သီးသန့်ပြုလုပ် ကျင်းပပေးတဲ့ ပွဲကြီးတခုဖြစ်ပါတယ်။

(7)   Chamila Arsanka

သိရိလင်္ကာနိုင်ငံသူလေး ချာမီလာ အာဆန်ကာတယောက် အခုအချိန်မှာ ကမ္ဘာ့ဖက်ရှင်လောကထဲမှာ စတင်နာမည်ရစ ပြုလာနေပြီဖြစ်တဲ့ မော်ဒယ်ကိုယ်ဟန်ပြမယ်တယောက်ပါ။ လွန်ခဲ့တဲ့ ၂၀၁၁ က ထိုင်းနိုင်ငံ ပတ္တယားမြို့မှာ ကျင်းပတဲ့ အလှမယ်ရွေးပွဲမှာ သူမလည်း ပါဝင်ယှဉ်ပြိုင်ခဲ့တာဖြစ်ပါတယ်။

(8)   Caroline “Tula” Cossey

အင်္ဂလိပ်လူမျိုးတယောက်ဖြစ်တဲ့ ကယ်ရိုလိုင်း တူလာ ခိုဆေ ဟာလည်း ကမ္ဘာသိ မော်ဒယ် ကိုယ်ဟန်ပြမယ်တယောက် ဖြစ်ပါတယ်။ အဲဒီအပြင် ဂျိန်းစဘွန်းကာ “The Living Daylights” မှာ ပါဝင်သရုပ်ဆောင်ခဲ့ဖူးတဲ့ တဦးတည်းသော ဆန့်ကျင်ဖက်လိင်ကို ပြောင်းလဲထားတဲ့သူ တယောက်အနေနဲ့လည်း လူသိများတာဖြစ်ပါတယ်။ လိင်ဆွဲဆောင်မှုကောင်းတဲ့ သူတယောက်ဖြစ်တဲ့အတွက် ပလေးဘွိုင်းမဂ္ဂဇင်းတွေအတွက် ဓါတ်ပုံအလှအရိုက်ခံတဲ့ အလုပ်တွေကို လုပ်ကိုင်နေသူတယောက် ဖြစ်ပါတယ်။ အဲဒီအပြင် သူမရဲ့ ဆန့်ကျင်ဖက်လိင်လိုပြောင်းလဲနေထိုင်ရတဲ့ ဘ၀နဲ့ပတ်သက်ပြီး “I AM A WOMAN” “ကျမမိန်းမသားပါ” ဆိုတဲ့စာအုပ်တအုပ်ကိုလည်း ရေးသားထုတ်ဝေခဲ့တဲ့ သူဖြစ်ပါတယ်။

(9)   Roberta Close

ဘရာဇီးနိုင်ငံသူလေး ရောဘတ်တို ခလိုးစ်က လိင်ပြောင်းလဲခွဲစိတ်ဖို့ ပြင်ဆင်နေတုန်းမှာပဲ ဘရာဇီးနိုင်ငံထုတ် ပလေးဘွိုင်းမဂ္ဂဇင်းမှာ ပထမဦးဆုံး ဖော်ပြခံခဲ့ရတဲ့ ဆန့်ကျင်ဖက်လိင်လို ပြောင်လဲနေထိုင်တဲ့ ကိုယ်ဟန်ပြမယ်တယောက် ဖြစ်ခဲ့ပါတယ်။ ၁၉၈၉ ခုနှစ်မှာ လိင်ပြောင်းလဲ ခွဲစိတ်ပြီးသွားတာနဲ့တပြိုင်တည်း ဘရာဇီးက ကိုတော်အချောတွေကြည့်ဖို့အတွက် သီးသန့်ထုတ်ဝေတဲ့ ဆက်ဆီ မဂ္ဂဇင်းမှာ ကိုယ်တုံးလုံးနဲ့ ကိုယ်ဟန်ပြ သရုပ်ဆောင်ပေးခဲ့တာ ဖြစ်ပါတယ်။ အဲဒီမှာတင်ပဲ ခလိုးစ်တယောက် ဘရာဇီးနိုင်ငံရဲ့ အချောဆုံးအလှဆုံး အမျိုးသမီးတယောက်အနေနဲ့ မဲပေးခံခဲ့ရတာ ဖြစ်ပါတယ်။

(10)  Malika

ကျမကအမှန်ဆို မိန်းကလေးဖြစ်ရမှာ စိတ်နဲ့ကိုယ်မှားပြီး မွေးလာခဲ့တာလေဆိုပြီး ပြောလေ့ရှိတဲ့ အိန္ဒိယသူလေး မာလိကာဟာ သူမရဲ့ စိတ်ကူးအိမ်မက်ဖြစ်တဲ့ မိန်းကလေးစစ်တယောက်ဖြစ်လာဖို့အတွက်ကို ခွဲစိတ်မှုပေါင်းမြောက်များစွာ တဆင့်ပြီးတဆင့် ပြုလုပ်ခဲ့ရတယ်လို့ ဆိုပါတယ်။ မာလိကာဟာ ထိုင်းနိုင်ငံမှာကျင်းပတဲ့ ၂၀၁၁ အလှမယ်ရွေးပွဲမှာ အိန္ဒိယနိုင်ငံရဲ့ တရားဝင်ကိုယ်စားပြုမယ်အဖြစ်နဲ့ ပထမဦးဆုံးလာရောက်ယှဉ်ပြိုင်ခဲ့တဲ့သူ ဖြစ်ပါတယ်။

နောနွဲ့နှောင်း

ဖေဖော်ဝါရီလ ၇ ရက်နေ့။ ၂၀၁၁ ခုနှစ်။

Copy From : www.coloursrainbow.com