ဒ်ါအောင်ဆန်းစုကြည် နှင့်ပတ်သက်ပြီး Foreign Policy မဂ္ဂဇင်းက "အကယ်၍ မြန်မာနိုင်ငံ စစ်အာဏာရှင် တံပိုးအောက်မှ နောက်ဆုံး ရုန်းထွက်နိုင်ခဲ့တယ်ဆိုလျှင်၊ ဒေါ်အောင်ဆန်းစုကြည်ရဲ့ နိုင်ငံရေး ကျွမ်းကျင်တတ်ပွန်မှုက အဓိက အခန်းကဏ္ဍကနေ ပါဝင်နေလိမ့်မည်" ဟု ရေးသားထားသည်။
နောက်ပြီး အက်စ်ဝါနီ က အီဂျစ်မှာ အဂတိလိုက်စားမှု တိုက်ဖျက်ဖို့၊ မျိုးရိုးဆက်ခံတဲ့ အုပ်စိုးမှုစနစ်ကို အဆုံးသတ်ဖို့၊ စစ်မှန်တဲ့ ဒီမိုကရေစီ ထူထောင်ဖို့အတွက် နိုင်ငံရေးလှုပ်ရှားမှုများ ဆောင်ရွက်ပြီး လူငယ်တွေ တဟရီရာ ရင်ပြင်ပေါ် ထွက်လာအောင် လှုံဆော် စည်းရုံးခဲ့သည်။ လူငယ် စာရေးဆရာတွေနဲ့ ကော်ဖီဆိုင်မှာ အမြဲ တွေ့ဆုံစည်းဝေးတာကြောင့် အီဂျစ်ရဲတွေက သူ့ကို အမျိုးမျိုး အနှောင့်အယှက်ပေးခဲ့သည်။
အက်စ်ဝါနီ က နှစ်ပေါင်းများစွာ တိတ်ဆိတ်ငြိမ်သက်နေတဲ့ အီဂျစ်လူထုရဲ့ အသံတွေထွက်လာအောင် မီးထိုးခဲ့သူ ဖြစ်သည်။ သူက "တော်လှန်ရေးဆိုတာ အချစ်ဇာတ်လမ်းလိုပါပဲ။ တကယ် ချစ်မိတဲ့အခါ လူကောင်းတစ်ယောက် ဖြစ်လာသလိုပဲ၊ တော်လှန်ရေးအပေါ် တကယ်ချစ်မိပြီဆိုရင်လည်း အနစ်နာခံမှု စွန့်စားမှုတွေ စွမ်းအားတွေနဲ့ လူကောင်းတစ်ယောက် ပိုဖြစ်လာတယ်" ပြောခဲ့သည်။
Foreing Policy က ရွေးချယ်တဲ့ အတွေးအခေါ် ပုဂ္ဂိုလ်ကျော် ၁၀၀ စာရင်းမှ တစ်ဦးချင်းစီအကြောင်းကိုမူလဆိုဒ်တွင် လေ့လာနိုင်ပါသည်။ မောက္ခတွင်လည်း အချို့ကို အလျဉ်းသင့်သလို ဖော်ပြပေးပါမည်။
ဝင့်ထန်း
Copy From: http://www.maukkha.org
No comments:
Post a Comment
အကြံပေးကြည့်ပါလား.......